Ұлттық ғылыми медициналық орталықтың кардиолог, аритмолог, кардиохирург және нейрохирург дәрігерлері Қызылорда қаласының тұрғындарына екі күн бойы тегін медициналық кеңес берді. Дәрігерлер Облыстық диагностикалық орталықта азаматтарды қабылдап, олардың шағымдарын тыңдап, тиісті ем тағайындады.
Екі күн ішінде астанадан келген дәрігерлердің қабылдауына 100-ге жуық қызылордалық жазылып, медициналық көмек алды. Бұған дейін бұл Орталық дәрігерлер тобы еліміздің солтүстік және батыс өңірлерінің тұрғындарына да осындай тегін медициналық кеңес берген болатын.
Астаналық білікті мамандардан кеңес алу мүмкіндігі қызылордалықтар үшін маңызды оқиға болды.
