Ұлттық ғылыми медициналық орталықта 160-кесінді UCT 780 компьютерлік томографы орнатылды. Бұл аппарат – Қазақстандағы осы деңгейдегі жалғыз құрылғы.
2025 жылғы 28 маусымда Астанада осы жабдықтың базасында келесі тақырыптарда шеберлік сабағы өтті:
- Миға КТ-перфузия
- КТ-коронарография
Шараға халықаралық United Imaging компаниясының аға клиникалық маманы Dr. Chenwei Li, сондай-ақ ҰҒМО-ның сәулелік диагностика бөлімінің басшысы Азат Михайлов қатысты.
Қатысушыларға инсультті диагностикалауда КТ-перфузияны және коронарографияны амбулаториялық әрі стационарлық жағдайда қолдану бойынша жаңа клиникалық хаттамалар ұсынылды.
Шеберлік сабақ Еуразиялық радиология конгресінің 11-білім беру бағдарламасының аясында өтті. Ол елдегі жетекші клиникалардан келген радиология, кардиология және неврология саласының мамандарын біріктірді.
