Қытай Халық Республикасынан келген Гуанчжоу медициналық университетінің делегациясы Ұлттық ғылыми медициналық орталыққа ресми сапармен келді
Университет ректоры бастаған делегацияны ҰҒМО Басқарма төрағасы Абай Байгенжин қарсы алды. Кездесуге Басқарма төрағасының медициналық қызмет жөніндегі орынбасары Купенов Булат Габбасович, урология бөлімінің басшысы Искаков Ербол Амангелдинович және халықаралық қатынастар бөлімінің маманы, дәрігер-кардиолог Құсайынхан Гулзи қатысуымен өтті
Делегация құрамында университет президенті – профессор Чжао Синцун, вице-президент – профессор Ли Цзяньхуа, халықаралық бөлімнің директор орынбасары – ханым Ма Сяоцзе, 1-қосалқы аурухананың вице-президенті – профессор Зэн Гохуа, 1-қосалқы аурухананың дәрігері – профессор Гу Ди, 1-қосалқы аурухананың дәрігері – профессор Чжу Вэй болды
🤝🏻Кездесу достық әрі іскерлік атмосферада өтті. Қонақтар орталықтың урология бөлімінің жұмысымен және “ҮМІТ” халықаралық томотерапия орталығымен танысты
Кездесу барысында тараптар медициналық білім беру, ғылыми ынтымақтастық, сондай-ақ урология саласындағы заманауи технологиялар бойынша тәжірибе алмасу мәселелерін талқылады
ҚЫТАЙ ХАЛЫҚ РЕСПУБЛИКАСЫ ГУАНЧЖОУ МЕДИЦИНАЛЫҚ УНИВЕРСИТЕТІНІҢ ДЕЛЕГАЦИЯСЫ ҰЛТТЫҚ ҒЫЛЫМИ МЕДИЦИНАЛЫҚ ОРТАЛЫҚТА
