Бұл іс-шараны Ұлттық ғылыми медициналық орталығы алдыңғы қатарлы технологиялармен алмасу және нейрохирургия саласындағы бірлескен диалогты дамыту үшін әлемге танымал нейрохирургтарды біріктіру мақсатында ұйымдастырды. Бұл маңызды халықаралық шарада әлемнің 15 елінен келген 100-ден астам нейрохирургтар, сондай-ақ халықаралық және ұлттық сарапшылар бас қосып, күрделі клиникалық жағдайларды талқылап, тәжірибе алмасты.
Курстың негізгі мақсаты – нейрохирургия саласындағы алдыңғы қатарлы білімді тарату, озық технологиялармен алмасу және кәсіби қауымдастық арасындағы диалогты нығайту болды.
Екі күндік курс барысында қатысушылар омыртқа, ми және жұлын хирургиясының негізгі әдістерін жан-жақты меңгеріп, жетекші мамандармен тікелей пікір алмасуға мүмкіндік алды. Бұл іс-шара жас мамандарға ерекше серпін беріп, пациенттерге көрсетілетін көмектің сапасын арттыруға бағытталған маңызды тәжірибе алаңы болды.
Конференция төрағасы, спикер профессор Дүйсенбі Серік сөз сөйледі (Нейрохирургия бөлімі – Ұлттық ғылыми медициналық орталық) м.ғ.д., PhD, профессор, нейрохирургия кафедрасының меңгерушісі. Американдық неврологиялық хирургия қауымдастығының халықаралық мүшесі. Қытай зерттеу типті ауруханалар қауымдастығының белсенді мүшесі. Қазақстан нейрохирургтер қауымдастығының мүшесі. Қытай нейрохирургиялық қауымдастығының мүшесі. Қытай дәрігерлері қауымдастығының нейрохирургиялық бөлімшесінің белсенді мүшесі. Қытай–Еуропа–Америка медициналық лигасының белсенді мүшесі. Дүниежүзілік нейрохирургиялық қоғамдар федерациясының мүшесі.
